Komnir um borð í þyrluna

Áhöfn þyrlu Landhelgisgæslunnar, TF-EIR, var að ljúka við að hífa alla fjóra bátsverja af Lágey ÞH-265 upp í þyrluna. Björgunarsveitir Slysavarnafélagsins eru að undirbúa björgun bátsins af strandstað.

Sam­kvæmt upp­lýs­ing­um frá Land­helg­is­gæsl­unni hafði áhöfn línu­báts­ins Lágey ÞH-265 sam­band við stjórn­stöð Land­helg­is­gæsl­unn­ar klukk­an 4:30 í nótt á fjar­skipt­ar­ás­inni VHF-16 og til­kynnti að bát­inn hefði rekið í strand í vest­an­verðum Þistil­f­irði, um miðja vegu á milli Þórs­hafn­ar og Raufar­hafn­ar.

Lágey er 15 tonna og 13 metra lang­ur yf­ir­byggður trefjaplast­bát­ur. Veður er til­tölu­lega gott á strandstað, logn og gott skyggni en svo­lít­il haf­alda.

Frétt af mbl.is

Strandaður bátur í Þistilfirði

Þetta er ekki fyrsta strand bátsins en þessi mynd var tekin fyrir nokkrum árum af fréttaritara mbl.is og Morgunblaðsins á Húsavík. mbl.is/Hafþór Hreiðarsson

• Blogga um frétt