Norska lögmannsstofan Wikborg Rein gætir hagsmuna Samherja í deilumáli sem rekið er fyrir namibískum dómstólum þessa dagana og snýr að sölu togarans Heinaste, sem namibísk yfirvöld hafa kyrrsett vegna meinta ólöglegra veiða.

Bæði RÚV og Stöð 2 greindu frá þessu í kvöldfréttatímum sínum í kvöld og birtu bréf frá lögmanni Wikborg Rein þar sem fram kemur að lögmannsstofan komi fram fyrir hönd Samherja í málinu. Einnig er fjallað um málið á vef Stundarinnar.

Norska lögmannsstofan er sem kunnugt er að vinna innanhússrannsókn á starfsemi Samherja í Namibíu, að beiðni stjórnar Samherja, en ekki hefur komið fram að á sama tíma gæti Wikborg Rein hagsmuna sjávarútvegsfyrirtækisins í lagadeilum þar í landi.

Frétt af mbl.is

Fyrrverandi saksóknari rannsakar Samherja

Í löngu og ítarlegu svari Geir Swiggum stjórnarformanns Wikborg Rein við fyrirspurn Stöðvar 2 kemur fram að öll vinnan sem Wikborg Rein sé að vinna „tengist ásökununum á hendur Samherja“ en stjórnarformaðurinn segir þó einnig að sú vinna snúist um fleira en bara að leita staðreynda um það sem þegar hafi átt sér stað og ásakanir snúi að.

Þannig sé Wikborg Rein að hjálpa Samherja að „koma í veg fyrir frekari misgjörðir, ef slíkar hafi átt sér stað í fortíðinni“ og að aðstoða Samherja við að hætta starfsemi í Namibíu í samræmi við lög og reglur.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt