Lögreglan á höfuðborgarsvæðinu segir að um helgina hafi svindlurum tekist að koma nokkru af evruseðlum í umferð. Aðferðin sem þeir beittu var að greiða fyrir ódýrar vörur eða þjónustu með 100 og 200 evru seðlum. Þeir herjuðu einna helst á sólarhringsverslanir, leiktækjasali og leigubíla. Þetta var hópur sem fór víða að sögn lögreglu.
„Svindlararnir fóru stuttar ferðir með leigubílum eða keyptu sígarettur og smávörur en fengu svo afgang í íslenskum krónum. Þannig tókst þeim að verða sér úti um talsverða peninga.
Fljótt á litið eru þetta sambærilegir seðlar evrum. En þeir standast enga nánari skoðun ef menn vita að hverju á að leita. Svo virðist sem að svindlararnir hafi verið með búnt af fölskum seðlum sem hægt er að kaupa í Rússlandi,“ segir í tilkynningu frá lögreglunni.
Hún tekur fram að rannsókninni í þessu máli miði vel áfram.