Óveður er gengið niður á stærstum hluta landsins en enn er þó vonskuveður á Vestfjörðum. Óvissustig vegna snjóflóðahættu er í gildi á norðanverðum Vestfjörðum.
Í athugasemd veðurfræðings kemur fram að það verði batnandi veður norðvestanlands með morgninum.
Aðgerðalítið verður á landinu fyrri part dags en síðdegis gengur í suðvestan hvassviðri með skúrum og síðar éljum. Hiti í dag verður um og undir frostmarki.