Starfsmannafélag Slökkviliðs Snæfellsbæjar er ákaflega þakklátt fyrir það frábæra og vandasama starf sem á sér stað hjá heilbrigðisstarfsmönnum landsins þessa dagana og ákvað að styrkja Von, styrktarfélag gjörgæsludeildar Landspítalans, með kaupum á bolum sem á stendur „Ég hlýði Víði“ fyrir alla liðsmenn slökkviliðsins.
Starfsmannafélagið bætti svo um betur og styrkti félagið um 100.000 krónur að auki, og skorar á önnur slökkvilið landsins að styrkja gjörgæsluna.
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.