Hæstiréttur hefur samþykkt áfrýjunarbeiðni Mjólkursamsölunnar í máli einkahlutafélagsins gegn Samkeppniseftirlitinu.
Eftirlitið hafði sektað Mjólkursamsöluna um 480 milljónir króna fyrir brot á samkeppnislögum, en áfrýjunarnefnd samkeppnismála lækkað sektina niður í 40 milljónir króna.
Eftirlitið hélt því fram að félagið hefði selt keppinautum sínum ógerilsneydda mjólk, sem sé grundvallarhráefni við framleiðslu mjólkurvara, á óeðlilega háu verði. Á sama tíma hafi Mjólkursamsalan og aðilar henni tengdir fengið hráefnið á mun lægra verði.
Áfrýjunarnefndin leit hins vegar svo á að fyrirtækið hefði ekki mismunað viðskiptavinum sínum, en hefði þó veitt samkeppnisyfirvöldum rangar upplýsingar.
Niðurstöðu áfrýjunarnefndarinnar var skotið til Héraðsdóms Reykjavíkur, sem felldi úrskurðinn úr gildi, og Landsréttur staðfesti þá niðurstöðu.
Mjólkursamsalan vísaði þá málinu til Hæstaréttar, sem féllst eins og áður sagði á að taka málið fyrir. Dómur í málinu geti haft fordæmisgildi um þau atriði sem beiðnin byggi á.
Setja bókamerki
„Höfum ekki náð að skríða upp úr þeirri gryfju“
Sex hafa greinst með listeríu
Telur forsendur fyrir vaxtalækkun
Hvorki sést áður hér á landi né annars staðar
/frimg/1/48/74/1487454.jpg)
Heldur inn í nóttina tuttugu kílóum léttari
Skar höfuðleðrið af íslenskri konu
Tveir í bílnum sem lenti utan vegar