Slökkviliðinu tókst á níunda tímanum í kvöld að slökkva sinueld í Vallahverfinu í Hafnarfirði sem kom upp á sjöunda tímanum. Á tímabili brann á býsna stóru svæði en rétt rúmlega átta náðu slökkviliðsmenn tökum á eldinum.
Nágrannar hjálpuðu við að slökkva eldinn og að sögn varðstjóra tókst slökkviliði að ná tökum á eldinum eftir að nóg af slökkviliðsmönnum mætti á svæðið.