Síðasti sólarhringur var annasamur hjá slökkviliðinu á höfuðborgarsvæðinu. Alls komu upp 104 verkefni fyrir sjúkrabíla, þar af 39 forgangsverkefni, sem er nokkuð hátt hlutfall.
Þá voru dælubílar kallaðir út 5 sinnum vegna minniháttar verkefna.
Slökkviliðið segist hafa það á tilfinningunni að fólk hafi gleymt sér aðeins í skemmtanahaldi og gleymt kórónuveirufaraldrinum, en sinna þurfti nokkrum verkefnum í miðbænum þar sem margir voru á ferðinni.