Stjórnvöld fara yfir stöðuna á morgun
Veronika Steinunn Magnúsdóttir
Setja bókamerki
Á morgun verður tekin afstaða til þess hvort ráðist verði í hertar sóttvarnaaðgerðir vegna faraldursins, að sögn Katrínar Jakobsdóttur forsætisráðherra. Sú umfangsmikla smitrakning sem stendur nú yfir muni gefa skýrari mynd af útbreiðslu faraldursins á morgun.
Katrín hefur verið í sambandi við heilbrigðisráðherra og sóttvarnalækni í dag vegna þeirra aðstæðna sem upp eru komnar.
„Ég vænti þess að við munum fara yfir stöðuna á okkar vegum á morgun, þegar við höfum fengið gögn, og meta þá hvort ástæða sé til þess að herða aðgerðir enn frekar. Það mun ráðast töluvert af þeirri rakningu sem stendur nú yfir,“ segir Katrín.
Vöxturinn áhyggjuefni
„Þessi vöxtur er auðvitað mikið áhyggjuefni. Það er rík ástæða til þess að hvetja fólk til að gæta vel að sóttvörnum. Grímunotkun er vaxandi og fólk er að passa sig, enda sýna þessar tölur hversu bráðsmitandi veiran er,“ segir Katrín.
Í gær greindust 75 ný innanlandssmit en aðeins sjö sinnum hafa fleiri smit greinst á einum degi frá upphafi faraldursins og ekki fleiri á einum degi síðan 1. apríl.
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
Kostnaður meiri en milljón á fermetra
Skiptir miklu meira máli en fólk grunar
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi