Aflýsa hefur þurft að minnsta kosti einu fraktflugi Bláfugls vegna verkfalls flugmanna FÍA hjá Bláfugli (Bluebird Nordic) sem hófst á miðnætti í dag. Til stóð að flytja bóluefni frá Pfizer til landsins með fraktflugvél Bláfugls og samkvæmt upplýsingum mbl.is gekk það eftir þrátt fyrir seinkun.

Frétt af mbl.is

Verkfall flugmanna Bláfugls er hafið

Júlía Rós Atladóttir, framkvæmdastjóri Distica, var í sambandi við forsvarsmenn Bláfugls í gær og fékk þær upplýsingar að áætlunarflugin með bóluefnin væru í forgangi.

„Ég var í samskiptum við þau í gær og það átti ekki að stoppa bóluefnavélarnar. Þær áttu að vera í forgangi en það var einhvern seinkun en ég held að það hafi verið út af tollamálum,“ segir Júlía Rós í samtali við mbl.is.

Um er að ræða hefðbundið vikulegt magn, um 2-3 þúsund skammtar.

Bóluefni AstraZeneca komi vonandi á næstu dögum

Þá segist Júlía vera bíða eftir því að fá dagsetningu á fyrstu sendingu af bóluefni AstraZeneca og vonar hún að það muni berast til landsins á næstu dögum. Það bóluefni er mun einfaldara að flytja það á milli staða enda þarf ekki að geyma það í frysti heldur er það geymt eins og hefðbundið kælivörulyf, við 2-8 gráður.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt