Bolluflóðið hellist yfir landsmenn

Bolludagurinn er í dag og landsmenn munu af því tilefni sporðrenna hundruðum þúsunda af bollum.

Margir tóku forskot á sæluna í gær og gæddu sér á bollunum úr bakaríum, þar sem unnið var á vöktum alla helgina.

Vatnsdeigsbollur eru vinsælt bakkelsi en margt annað er þó í boði, eins og sjá mátti í Mosfellsbakaríi um helgina. Þar var ys og þys, viðskiptavinir margir og starfsfólk með sóttvarnir alveg á hreinu.