Enn finnst mygla í Fossvogsskóla, þrátt fyrir að ráðist hafi verið í gríðarmiklar endurbætur á húsnæðinu. Þetta kemur fram í niðurstöðu greiningar Náttúrufræðistofnunar Íslands á sýnum sem tekin voru í skólanum 16. desember 2020.

Frétt af mbl.is

Framkvæmdir hefjast aftur í Fossvogsskóla

Sýnin voru rannsökuð 18.-19. janúar í ár og birtust niðurstöðurnar 22. janúar. Úr þeim vann verkfræðistofan Verkís skýrslu, en hún hefur ekki verið birt foreldrum barnanna, né opinberlega.

Sigríður Ólafsdóttir, foreldri barns sem veiktist mikið vegna myglunnar, segir ekkert samráð vera milli borgarinnar og skólastjórnenda og foreldra barna sem stunda nám við skólann. „Engar upplýsingar berast til foreldra barnanna,“ segir Sigríður í Morgunblaðinu í dag. „Það eru engin úrræði sem standa okkur til boða. Ekkert samráð haft við okkur, ekki neitt.“

Hún segir foreldrafélag og skólaráð Fossvogsskóla hafa beitt sér eftir fremsta megni í baráttunni, en það sé afar erfitt fyrir þau að eiga við borgina. „Við erum bara fólk í sjálfboðavinnu að eiga við risabatterí hjá Reykjavíkurborg.“

Tengdar fréttir

Mygla í húsnæði

Kostnaður meiri en milljón á fermetra

• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“
• Bærinn kaupir ekki bankann

» Fleiri tengdar fréttir