Mikið um grjóthrun á Reykjanesskaga

Grjóthrun á Reykjanesskaga.
Grjóthrun á Reykjanesskaga. Ljósmynd/Veðurstofa Íslands

Skriður hafa fallið víða á Reykjanesskaga vegna jarðhræringanna þar í dag eins og sjá má á mynd sem Veðurstofan birti á facebooksíðu sinni. Þar segir að grjóthrun hafi orðið á gamla Suðurstrandaveginum sem nú er aflagður. 

Þá hefur grjót einnig hrunið við fjallið Þorbjörn, við Kleifarvatn og úr Keili. 

Skriðusérfræðingur hjá Veðurstofu Íslands tók myndina sem sjá má í færslunni í þyrluflugi með Landhelgisgæslunni fyrr í dag, þar sem aðstæður á Reykjanesskaga voru kannaðar. 

Veðurstofan minnir á bloggsíðu ofanflóðavaktar sinnar, þar sem finna má nánari upplýsingar um grjóthrun. 

Í jarðskjálftahrinum eins og þeirri sem nú gengur yfir getur grjóthrun orðið og jafnvel skriður eða snjóflóð fallið....

Posted by Veðurstofa Íslands on Miðvikudagur, 24. febrúar 2021
mbl.is