Fór smitaður á æfingu í World Class
Setja bókamerki
Alls eru 28 iðkendur World Class komnir í sóttkví. Ástæðan er sú að einn þeirra sem greindust með kórónuveirusmit í gær fór á æfingu í Laugum í hádeginu á föstudag án þess að vita að hann væri smitaður.
Björn Leifsson, eigandi World Class, segir aðspurður að smitrakningarteymi almannavarna hafi fengið upplýsingar hjá þeim um hverjir voru í sóttvarnahólfi með þessum einstaklingi í hádeginu og voru þeir 28 talsins. Alls mega 50 manns vera í hverju hólfi.
„Ég vona að það verði ekkert meira úr þessu, það kemur bara í ljós,“ segir Björn og bætir við að skráning í salinn sé mjög góð og því hafi verið auðvelt að finna út hverjir voru í hólfinu.
„Það hefur ekkert smit komið upp hjá okkur og á meðan svo er höldum við okkar striki,“ segir hann og tekur fram að passað sé mjög vel upp á sótthreinsun á stöðvunum.
Aðspurður segist Björn vita um þrjú smit sem komu upp í World Class í þriðju bylgjunni. Einn einkaþjálfari hafi farið í boxklúbb og smitað þrjá af sínum kúnnum.
Gerðu umfangsmiklar loftárásir á Líbanon
Vangaveltur gengu lengra en innistæða var fyrir
Íslensk hljómsveit margritskoðuð í Kína
Þyrla Gæslunnar sinnti óvenjulegu verkefni
Maðurinn sem leitað var að fannst látinn
Vendingar vestanhafs geti haft áhrif hér heima