Gunnari Jóhanni sleppt úr haldi
Setja bókamerki
Gunnari Jóhanni Gunnarssyni hefur verið sleppt úr haldi þar til ljóst verður hvort mál hans verði tekið fyrir í Hæstarétti. Hann hefur verið dæmdur fyrir morðið á hálfbróður sínum, Gísla Þór Þórarinssyni.
Gunnar hlaut 13 ára fangelsisdóm fyrir að ráða hálfbróður sínum bana með haglaskoti að morgni 27. apríl 2019 en áfrýjunardómstóll í Noregi mildaði dóminn í fimm ár snemma í mars síðastliðnum.
Verjandi Gunnars fór fram á að honum yrði sleppt úr haldi þar til málið yrði tekið fyrir í Hæstarétti en lögreglan fór fram á að hann yrði áfram í haldi, sem héraðsdómstóll féllst á. Þeim úrskurði var áfrýjað eins og dóminum og hefur áfrýjunardómstólll fallist á kröfu verjanda Gunnars.
Ekki ætlað að ráða bróður sínum bana
Verjendur Gunnars sögðu fyrir rétti að Gunnar hefði ekki ætlað að ráða bróður sínum bana heldur hafi skot hlaupið af haglabyssu, sem Gunnar hafði meðferðis, í læri Gísla Þórs þegar þeir tókust á um vopnið.
Aftur á móti hélt saksóknari því fram að um viljaverk hefði verið að ræða en Gunnar hafði ítrekað hótað því að drepa hálfbróður sinn. Hann fór fram á að refsing héraðsdóms yrði staðfest.
Krefjast stöðvunar framkvæmda
Hvorki sést áður hér á landi né annars staðar
Bergnuminn í Hvalfirði
Vonast til að tjaldbúðir við HÍ standi áfram
Mál hjúkrunarfræðingsins fer aftur fyrir héraðsdóm
„Höfum ekki náð að skríða upp úr þeirri gryfju“
Kaldasti veturinn kom að óvörum