„Þetta er fínt en það eru alltaf svolitlar sveiflur milli daga,“ segir Þórólfur Guðnason sóttvarnalæknir en fimm greindust með kórónuveiruna innanlands og voru allir í sóttkví við greiningu.

Alls voru tek­in 1.398 sýni inn­an­lands í gær og 405 á landa­mær­un­um. Nú eru 190 í ein­angr­un og 572 í sótt­kví. Fjór­ir eru á sjúkra­húsi vegna Covid-19. Alls eru 1.006 í skimun­ar­sótt­kví.

Frétt af mbl.is

Fimm smit innanlands

„Þetta á eftir að sveiflast milli svona upp og niður en vonandi fer þetta ekki í öfuga átt,“ segir Þórólfur og bætir við að vonandi takist að kæfa hópsmitin sem komið hafa upp á höfuðborgarsvæðinu og Suðurlandi, þó ekki sé búið að ná utan um þau.

„Það er ekki búið að ná alveg utan um þetta. Við vorum síðast í fyrradag að greina fólk utan sóttkvíar. Við höldum þessu í horfinu og höfum stjórn á þessu. Þetta gæti tekið smá tíma að fjara út, eins og í þriðju bylgjunni,“ segir sóttvarnalæknir.

Hann býst við að skila heil­brigðisráðherra minn­is­blaði vegna aðgerða inn­an­lands um helgina en nú­gild­andi reglu­gerð um 20 manna fjölda­tak­mörk­un gild­ir til 4. maí.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Góðu fréttirnar eru.