Ísland uppselt í ágúst- og septembermánuði

Bílaleigur hafa selt og sett bíla í langtímaleigu í faraldrinum.
Bílaleigur hafa selt og sett bíla í langtímaleigu í faraldrinum. mbl.is/Eggert Jóhannesson

Sérfræðingur á bílaleigumarkaði sem Morgunblaðið ræddi við telur að Ísland verði uppselt í ágúst – september hvað varðar aðgang að bílaleigubílum, en aðeins níu þúsund bílar eru núna til í landinu fyrir ferðamenn, samanborið við nítján þúsund árið 2019.

Málið sé einfalt reikningsdæmi. Ef eitt hundrað þúsund ferðamenn komi til landsins í ágúst og september sem ekki sé ólíklegt, þýði talan níu þúsund að skortur geti orðið á bílum. Erfitt sé að breyta því í skyndi þar sem aðfangakeðjur séu enn laskaðar vegna faraldursins. Bílaverksmiðjur séu margar enn lokaðar og tafir séu á framleiðslu og afhendingu íhluta eins og hálfleiðara.

Páll Þorsteinsson, upplýsingafulltrúi Toyota á Íslandi, segir fyrirtækið hafa þrátt fyrir óvissu og enga bílaleigusamninga í hendi tryggt sér ákveðið magn af bílum – sem núna eru velflestir fráteknir fyrir leigurnar, að því er fram kemur í umfjöllun um mál þetta í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »