Gosórói í Geldingadölum hefur rokkað upp og niður eftir að lengsta goshléi frá upphafi gossins lauk í morgun, en það hafði staðið yfir frá því á mánudagskvöld.

Frétt af mbl.is

Lengsta goshlé frá upphafi

„Þetta virðist vera að fara upp og niður en ekki mjög hátt þó. Hann [gosóróinn] er pínulítið að leita upp á við,“ segir Lovísa Mjöll Guðmunds­dótt­ir, nátt­úru­vár­sér­fræðing­ur hjá Veður­stofu Íslands. 

Hreyfingarnar eru litlar í stóra samhenginu að hennar sögn en gætu gefið vísbendingar um að virkni í gosinu sé að breytast, þótt erfitt sé að segja til um það á þessari stundu. 

Undanfarna daga hefur verið talað um að nýr taktur eða fasi sé að myndast í gosinu, en hann er enn í mótun að sögn Lovísu. „Við þurfum að fylgjast með á næstu dögum, hvort að þetta muni halda svona áfram eða breytast aftur.“

Frétt af mbl.is

Bíða og sjá hvort nýr fasi sé í gosinu

Engin kvika er sjáanleg í gígnum þessa stundina en þó rýkur upp úr honum. „Í gærkvöldi sást glóð, en það virðist ennþá verið að flæða undan gígnum sem við sjáum ekki. Það er ennþá eitthvað að gerast, þótt það sé ekki í gígnum sjálfum, það flæðir undir gamla hraunið,“ segir Lovísa.

Tengdar fréttir

Eldvirkni á Reykjanesskaga

„Ró­leg al­veg fram í miðjan nóv­em­ber“

• Grindavík og Svartsengi blikna í samanburði
• Stjórnvöld meðvituð um sviðsmyndina
• „Skulum rétt vona að brautin lokist ekki“
• Brautin gæti lokast á einum degi

» Fleiri tengdar fréttir

• Blogga um frétt