Björgunarsveitir á Austurlandi voru kallaðar út um áttaleytið í morgun vegna göngumanns sem óskaði eftir aðstoð í grennd við Snæfell.
Svartaþoka er á svæðinu sem olli því að göngumaðurinn villtist.
Björgunarsveitir hafa staðsett viðkomandi og eru á leið að honum, að því er segir í tilkynningu frá Slysavarnafélaginu Landsbjörg.
Nokkuð hefur verið um útköll hjá björgunarsveitum síðasta sólarhringinn þar sem meðal annars var óskað eftir aðstoð vegna slyss á Kjalvegi og göngufólks í sjálfheldu sem óskaði eftir aðstoð.