Eldur kviknaði í númeralausum bíl í Hafnarfirði nú á ellefta tímanum í kvöld. Þetta staðfestir starfsmaður Slökkviliðs höfuðborgarsvæðisins í samtali við mbl.is.
Slökkviliðsmenn eru komnir á vettvang og vinna að því að ráða niðurlögum eldsins. Ekki var talið að mikil hætta stafaði af eldinum.
Bíllinn stóð tómur í iðnaðarhverfi í Hafnafirði, Hjallahrauni nánar tiltekið. Það tók slökkvilið stutta stund að ráða niðurlögum eldsins.
Fréttin hefur verið uppfærð.