Tuttugu og fjórir liggja nú inni á Landspítalanum með Covid-19. Þetta kemur fram á vef Landspítalans.
Af þeim eru sautján bólusettir og sjö óbólusettir.
Landsspítalinn hefur birt fjölda bólusettra og óbólusettra inniliggjandi sjúklinga með Covid-19 í hópum sem fimm manns eða fleiri eru í.
Fimm eru á gjörgæslu með Covid-19, þar af eru tveir óbólusettir.
Tveir einstaklingar eru í öndunarvél. Ekki liggur fyrir hvort þeir séu bólusettir eða ekki enda færri en fimm.
Alls hafa níu sjúklingar lagst inn á gjörgæslu með Covid-19, þar af fimm fullbólusettir.
Fjölgað hefur um einn á gjörgæslu og tvo á bráðadeildum Landspítalans frá því í gær.