Lögreglan á Suðurlandi hefur ákveðið að loka leiðum inn að Skaftá, þar sem búist er við að hlaup í ánni undan Vatnajökli muni aukast til muna á komandi klukkustundum.

Eftirfarandi leiðum verður lokað frá klukkan 19 í kvöld:

1. Landmannalaugar inn á Fjallabak nyrðra, inn á F-208.
2. Skaftártungnavegur, vegur 208, frá Búlandi.
3. Inn á Álftavatnskrók á vegi F-210, inn á F-233.
4. Vestan við vað yfir Hólmsár, gatnamót F-210 og F-232.

Í tilkynningu frá lögreglunni segir að send hafi verið út textaskilaboð til fólks á svæðinu.

Brennisteinsvetni berst með vatninu

„Ferðamenn eru beðnir um yfirgefa svæðið. Fólk sem er vestan Hólaskjóls er beðið að rýma í átt að Landmannalaugum,“ segir í tilkynningunni.

Brennisteinsvetni berist með hlaupvatninu þegar það kemur undan jökli. Styrkur þess sé þá svo mikill að það geti skaðað slímhúð í augum og öndunarvegi.

Búast megi við að hlaupið nái hámarki við þjóðveginn á miðvikudaginn. Komi til þess að hringvegurinn lokist vegna vatnavaxta þá sé hjáleið um Meðallandið.

Tengdar fréttir

Skaftárhlaup

Skaftárhlaup yfirstaðið

• Skaftá sjatnar jafnt og þétt
• Aflétta öllum vegalokunum vegna Skaftárhlaups
• Upptökin úr eystri Skaftárkatli
• Mestar áhyggjur af vestari katlinum

» Fleiri tengdar fréttir

• Blogga um frétt