Eins og að vera með hest í garðinum

Köttur veifar.
Köttur veifar. mbl.is/Jakob Fannar Sigurðsson

„Það er bara tímaspursmál hvenær þetta gerist á öllu landinu,“ segir Jóhann Óli Hilmarsson fuglafræðingur um ákvörðun yf­ir­valda þar á Akureyri um að banna lausa­göngu katta frá 1. janú­ar 2025.

„Það er ekki hægt að hafa þessi kvikindi valsandi út um allt,“ segir Jóhann.

Hann segir að upphaflega hafi kettir orðið húsdýr til að stöðva nagdýr sem átu korn. Það gefi augaleið að ekki sé þörf, að minnsta kosti ekki jafnmikil þörf, á því að stöðva nagdýrin með þeim hætti.

Sem fuglafræðingur fagnar Jóhann ákvörðun Akureyrarbæjar og býst við því að með þessu verði fuglar þar í bæ öruggari.

„Veiðieðlið er svo ríkt í köttum og þú eyðir því ekkert. Eina hlutverk katta, finnst mér hér á landi, er að veiða mýs.“

Fuglar fagna því eflaust að sjá ketti í bandi.
Fuglar fagna því eflaust að sjá ketti í bandi. mbl.is/Ómar Óskarsson

Spurður hvort honum þætti eðlilegt að hafa ketti utandyra í bandi segir Jóhann það eðlilegra en að þeir leiki frjálsir:

„Mér finnst út í hött að einhver húsdýr geti valsað um allt. Þetta er eins og ég væri með hest eða geit hérna í garðinum.“

mbl.is