Sagði sig úr stjórn Ferðafélags Íslands

Helgi Jóhannesson.
Helgi Jóhannesson. Ljósmynd/Aðsend

Helgi Jóhannesson, fyrrverandi yfirlögfræðingur Landsvirkjunar, sagði sig úr stjórn Ferðafélags Íslands í morgun.

Þetta staðfestir Anna Dóra Sæþórsdóttir, forseti félagsins, við mbl.is, en Vísir greindi fyrst frá málinu.

Starfsmaður Landsvirkjunar kvartaði yfir hegðun Helga sem varð til þess að hann hætti þar störfum í lok október, að því er Stundin greindi frá. Spurð hvort kvartanir hafi borist vegna Helga í Ferðafélagi Íslands segir hún engin slík mál hafa komið upp á vegum félagsins.

Líklegt er að nýr stjórnarmaður verði kosinn á aðalfundi félagsins á næsta ári, að sögn Önnu Dóru.

Helgi er mikill útivistarmaður og er menntaður leiðsögumaður.

mbl.is