Endurskoðun viðskiptasamnings við ESB til skoðunar

Vinstri græn taka við ráðuneyti mat­væla-, sjáv­ar­út­vegs-, og land­búnaðar á komandi kjörtímabili en Katrín Jakobsdóttir sér sérstaklega mikil tækifæri í grænmetisræktun innanlands. Þá er á dagskrá að ljúka endurskoðun viðskiptasamnings við ESB um innflutning landbúnaðaafurða. 

„Það var unnin matvælastefna á kjörtímabilinu og það sem við segjum í þessum stjórnarsáttmála er að Þarna eru mikil tækifæri, ekki bara í kjöt og mjólk heldur líka í grænmetisræktun,“ segir Katrín í samtali við mbl.is í dag en hún segir mikið af grænmeti flutt inn sem gæti verið ræktað hér heima.

Frétt af mbl.is

„Ég mun leggja mig allan fram“

90% innflutt sem gæti verið ræktað hér

„Við erum að sjá breytt neyslumynstur fólks hvað það varðar og raunar bara alveg ótrulegt, eins og ég hef sagt í svona þrjú ár, að við séum að bjóða fólki upp á það að yfir 90% af sumum grænmetistegundum sem hægt er að rækta hér eru innfluttar til neyslu. Þannig að þarna eru mikil tækifæri“. 

Svandís Svavarsdóttir mun yfirgefa heilbrigðisráðuneytið og taka við hinu nýja ráðuneyti mat­væla-, sjáv­ar­út­vegs-, og land­búnaðar.

Frétt af mbl.is

Nýtt ríkisráð fundar

Akuryrkja og meira lífrænt

Í sáttmálanum er í undirkaflanum Landbúnaður fjallað um akuryrkju og eflingu lífrænnar framleiðslu en Katrín segir ærin verkefni fyrir hendi innan landbúnaðarins. Bæði í hagræðingaraðgerðum en líka til þess að auka hagræði.

„Það er spennandi verkefni því ég held að það sé gríðarleg eftirspurn eftir innlendum matvælum og þar erum við líka að horfa á sjónarmið fæðuöryggis og matvælaöryggis.“

Munuð þið leggja frekari þröskulda í garð innfluttra þá?

„Nei, en þarna er vitnað til þess að við ætlum að ljúka við endurskoðun á viðskiptasamningnum við ESB um innflutning á landbúnaðarafurðum sem auðvitað hefur verið rætt töluvert um og við höfum óskað eftir endruskoðun á vegna þess að hann tók engum breytingum þegar eitt stærsta viðskiptaland okkar fór úr ESB. Þanig að ég hef væntingar til þess að fyrri endurskoðun verði lokið.“

• Blogga um frétt