Hvítur strókur sem virtist sjást fyrir ofan gosstöðvarnar í Fagradalsfjalli í dag er ekki merki um að nýtt eldgos sé að hefjast. Spurningar hafa borist mbl.is um hvort gos sé hafið að nýju en sérfræðingar á Veðurstofu Íslands segja allt með kyrr­um kjör­um.

Sam­kvæmt upp­lýs­ing­um frá nátt­úru­vár­sér­fræðingi á Veður­stof­unni hafa sérfræðingar þar einnig fengið spurningar um þetta en segir að um éljabakka sé að ræða.

Auk þess geti myndast gufa þegar kalt loftið mætir heita loftinu í hrauninu við gíginn.

Nokkrir litlir jarðskjálftar hafa mælst á svæðinu í morgun en það er talin eðlileg skjálftavirkni.

Tengdar fréttir

Eldvirkni á Reykjanesskaga

Nærri tíu milljónir rúmmetra af kviku

• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar
• Gígbarmurinn hækkað frá því í gær
• Helmingur umsókna samþykktur fyrir vikulok

» Fleiri tengdar fréttir

• Blogga um frétt