„Með sérstakari málum sem maður man eftir“

Styttu af Guðríði Þorbjarnardóttur er einnig að finna í Glaumbæ …
Styttu af Guðríði Þorbjarnardóttur er einnig að finna í Glaumbæ í Skagafirði. mbl.is/Sigurður Bogi

Lögregluþjónar fjarlægðu í dag listaverkið Farangursheimild sem stóð fyrir utan Nýlistasafnið í Marshallhúsinu í Reykjavík.

Hluti af verkinu var bronsstyttan Fyrsta hvíta móðirin í Ameríku eftir Ásmund Sveinsson sem sýnir Guðríði Þorbjarnardóttur.

Greint var frá því á dögunum að styttu Ásmundar hefði verið stolið af stöpli á Laugarbrekku á Snæfellsnesi.

Styttan inni í rakettu

Jón Sigurður Ólason, yfirlögregluþjónn hjá lögreglunni á Vesturlandi, sagði í samtali við mbl.is að styttan hefði verið fjarlægð að hans ósk og hafi verið flutt vestur á land í kjölfarið.

„Þetta er með sérstakari málum sem maður man eftir. Styttan er inni í einhverri rakettu og nú þarf að losa hana þaðan og meta hvort hún er skemmd. Hún fer því ekki alveg strax á sinn stað aftur,“ sagði Jón Sigurður yfirlögregluþjónn.

Nánar er fjallað um málið í Morgunblaðinu á morgun.

mbl.is

Bloggað um fréttina