Ellefu nýir veitingastaðir og verslanir bætast við

Ellefu nýir veitingastaðir og verslanir bætast við þau tólf fyrirtæki sem rekin eru á Hafnartorgi. 

Hafnartorgssvæðið stækkar umtalsvert í sumar en á næstu vikum opnar nýr áfangastaður með verslunum og veitingastöðum við gömlu höfnina í Reykjavík. 

Í tilkynningu frá Regin fasteignafélagi kemur fram að svæðið verði kallað Hafnartorg Gallery. 

„Í Hafnartorgi Gallery verða því alls 11 nýir veitingastaðir og verslanir, sem bætast við þá 12 rekstaraðila sem þegar má finna í eldri hluta Hafnartorgs. Áður en langt um líður er gert ráð fyrir að fjöldi fyrirtækja á svæðinu verði um 30 talsins.

Opnun Hafnartorgs Gallery markar tímamót í borginni því nú er að ljúka rúmlega áratugs-langri uppbyggingu á svæðinu milli Lækjartorgs og Hörpu þar sem ný íbúabyggð, atvinnustarfsemi, almenningsrými, verslun og þjónusta auk ráðstefnuhalds og menningarinnar í Hörpu bætast við miðborgina. Uppbyggingu á svæðinu lýkur síðar á þessu ári, þegar framkvæmdum við nýtt hús Landsbankans verður tilbúið,“ segir meðal annars í tilkynningunni. 

• Blogga um frétt