„Neikvæð áhrif“ á heilsufar íbúa á svæðinu

Fyrirhugað er að fjögurra akreina vegurinn fari yfir hæðina og …
Fyrirhugað er að fjögurra akreina vegurinn fari yfir hæðina og teygi sig einnig niður í Elliðaárdal. Kort/Vegagerðin

Í pósti frá Landvernd til Skipulagsstofnunnar árið 2020 kemur fram að umhverfisáhrif Arnarnesvegar muni verða umtalsverð, gæði aðliggjandi byggðar muni verða skert og að ætla megi að það hafi neikvæð áhrif á velsæld og heilsufar íbúa á svæðinu.

„Umhverfisáhrif vegarins virðast vera umtalsverð. Hann mun skera í tvennt náttúru­legt úti­vistar- og út­sýnis­svæði, sem mikið er nýtt af í­búum borgar og ná­grennis og rýra gæði áformaðs Vetrargerðs,“ segir í pósti Landverndar.

„Gæði aðliggjandi byggðar verða því skert og má ætla að það hafi neikvæð áhrif á velsæld og heilsufar íbúa á svæðinu.“

Horft af Vatnsendahvarfi, þar sem leggja á hraðbraut, yfir höfuðborgina.
Horft af Vatnsendahvarfi, þar sem leggja á hraðbraut, yfir höfuðborgina. Ljósmynd/Helga Kristín Gunnarsdóttir

Nauðsynlegt að endurmeta framkvæmdina

Í póstinum segir einnig að viðhorf til umhverfismála og grænna svæða hafi breyst verulega frá árinu 2003, þegar umhverfismat fyrir veginn var gert. Meiri áhersla sé lögð á lífsgæði sem fylgja aðgangi að náttúru og grænum svæðum.

Upphaflega hafi þessi hluti Arnar­nes­vegar verið hugsaður sem ofan­byggðar­vegur þegar hann hafi verið settur á skipu­lag fyrir 40 árum, en sé í núverandi mynd fjórar akreinar.

„Telur Landvernd nauðsynlegt að endurmeta framkvæmdina, að umhverfismatið frá 2003 verði fellt úr gildi og almenningi verði gefinn kostur á að leggja fram athugasemdir og ábendingar.“ 

Pósturinn er dagsettur 9. nóvember 2020 og undirritaður af framkvæmdastjóra Landverndar, Auði Önnu Magnúsdóttur. Hann var sendur til Skipulagsstofnunnar, Reykjavíkurborgar og Kópavogsbæjar.

mbl.is