Bjarni Benediktsson fjármálaráðherra kemur fyrir stjórnskipunar- og eftirlitsnefnd Alþingis á opnum fundi í fyrramálið.
Ásamt Bjarna sitja einnig fyrir svörum Haraldur Steinþórsson lögfræðingur og Sigurður H. Helgason, skrifstofustjóri fjármála- og efnahagsráðuneytisins.
Umræðuefni fundarins verður skýrsla Ríkisendurskoðunar um sölu á hlut ríkisins í Íslandsbanka.
Fundurinn verður í beinni útsendingu á vef Alþingis. Áætlað er að fundurinn hefjist 9:45 og ljúki ellefuleytið.