Alls 693 sjóðum og sjálfseignarstofnunum bar að skila ársreikningi til Ríkisendurskoðunar fyrir rekstrarárið 2021 en í desember síðastliðnum höfðu margir sjóðir og stofnanir ekki staðið við það. Skilafresturinn var til 30. júní á síðasta ári. 403 staðfestir sjóðir og stofnanir höfðu uppfyllt þessa skyldu í seinasta mánuði en ársreikningar 290 sjóða og stofnana höfðu enn ekki borist embættinu eða um 42% allra þeirra sem ber að skila ársreikningum.
Þetta kemur fram í skýrslu Ríkisendurskoðunar sem birt var í gær um ársreikninga sjálfseignarstofnana og sjóða sem starfa samkvæmt staðfestri skipulagsskrá. Vekur Ríkisendurskoðun athygli á því að 42 virkir sjóðir „hafa aldrei skilað ársreikningi til embættisins þrátt fyrir árvissar ítrekanir þar um,“ eins og segir í tilkynningu.
Lesa má nánar um málið í Morgunblaðinu í dag.