Allt klárt nema launaliðurinn
Setja bókamerki
Kjaraviðræður á opinbera markaðinum snúast nú að mestu um launaliðinn, að sögn Friðriks Jónssonar, formanns Bandalags háskólamanna. Samninganefndir heildarsamtaka opinberra starfsmanna og launagreiðenda á opinbera vinnumarkaðinum funduðu alla helgina í húsnæði ríkissáttasemjara og lauk fundahöldum í gærkvöldi.
„Allt annað er í raun og veru klárt,“ segir hann í samtali við Morgunblaðið. Fundað var sleitulaust um helgina að sögn Friðriks.
Mánaðamótin nálgast og samningar renna á enda
„Viðræður hafa haldið áfram og við erum öll mjög meðvituð um að mánaðamót nálgast hratt og örugglega. Samningar renna út á föstudaginn næstkomandi, þann 31. mars.
„Þetta snýst fyrst og fremst um launaliðinn núna,“ segir Friðrik og bætir við að það sé jafnframt yfirleitt erfiðasti hjallinn. Spurður hvort mikil verðbólga spili inn í viðræðurnar segir hann: „Já, að sjálfsögðu. Þetta er ekki létt verk.“
Handteknir eftir myndatöku í Vesturbæjarlaug
Beint: Frambjóðendur skila inn listum
Tveir í bílnum sem lenti utan vegar
Banna mengandi búnað sem leyfður er á Íslandi
Kostnaður meiri en milljón á fermetra
Skiptir miklu meira máli en fólk grunar
Nemendur í HÍ reistu tjaldbúðir án leyfis
„Umsátursástand“