Rýmka megi tíma í Ríkinu

Breytingar sem fela í sér rýmkun á aðgengi að áfengi ber að skoða gaumgæfilega með tilliti til lýðheilsu og hugsanlegra afleiðinga. Þetta segir í umsögn Áfengis- og tókbaksverslunar ríkisins um frumvarp til breytinga á áfengislögum, sem Hafdís Hrönn Hafsteinsdóttir hefur lagt fram á Alþingi. Meðflutningsmenn hennar eru fjórir aðrir þingmenn Framsóknarflokks.

Frétt af mbl.is

ÁTVR leggst ekki gegn rýmkun

Í frumvarpinu er lagt til að ein af 12. greinum áfengislaga falli brott, en skv. henni eiga Vínbúðirnar, sem margir kalla Ríkið, að vera lokaðar á helgidögum þjóðkirkjunnar, svo og á sumardaginn fyrsta, 1. maí, 17. júní og frídag verslunarmanna. Af ákvæðinu leiðir einnig að lokað er á sunnudögum. Slíkt segja flutningsmenn frumvarpsins að samræmist ekki tíðaranda.