Yfir 400 skjálftar frá miðnætti
Sundhnúkur og Hagafell liggja yfir kvikuganginum.
Kort/mbl.is
Setja bókamerki
Um 430 jarðskjálftar hafa mælst frá miðnætti á Reykjanesskaga, yfir kvikuganginum, enginn yfir tveimur að stærð.
Einar Hjörleifsson, náttúruvársérfræðingur hjá Veðurstofu Íslands, segir að skjálftavirkni hafi haldist stöðug.
„Virknin minnkaði örlítið um níuleytið í gærkvöldi en hefur svo haldist fremur stöðug og mælist nú mjög svipuð og hún hefur verið undanfarna sólarhringa,“ segir Einar og bætir við að nú mælist um 70 til 80 jarðskjálftar á klukkustund.
Hann segir engan gosóróa hafa mælst í nótt.
„Við höfum ekki orðið vör við neinn gosóróa og það er svipuð staða áfram á rauntíma GPS-mælingum.“
Guðmundur Fertram tilnefndur
Kortavelta ferðamanna dregst mikið saman
Urðu ekki vör við kvikuhlaup
Mannbjörg þegar strandveiðibátur sökk
Stóð á milli þess að greiða með eða skila auðu