Róleg rýming stendur nú yfir í Grindavíkurbæ og gengur hún vel. Íbúar á svæðinu hafa fengið sms-skilaboð um að yfirgefa svæðið.
Þetta segir Úlfar Lúðvíksson, lögreglustjóri á Suðurnesjum, í samtali við mbl.is.
„Það er bara róleg rýming eins og við köllum það. Það er ekkert verið að flýta sér, en það eru bara örfáir í bænum eins og hefur verið síðustu sólarhringa,“ segir Úlfar.
Hann kveðst ekki vera með tölu yfir það hversu margir hafi verið staddir í sveitarfélaginu þegar eldgos hófst á níunda tímanum en segir að um lítinn fjöld sé að ræða.
Aðspurður segir hann að um nokkra tugi manns sé að ræða.