Þór Saari biður fjölmiðlanefnd að skoða kappræðumálið

Þór Saari, þingmaður Hreyfingarinnar, hefur sent fjölmiðlanefnd bréf þar sem hann biður nefndina að úrskurða í því máli hvort Stöð 2 sé heimilt samkvæmt lögum að bjóða tveimur forsetaframbjóðendum að taka þátt í kappræðum.

„Svo virðist sem ákvörðun Stöðvar 2 um að heimila eingöngu tveimur frambjóðendum til kjörs forseta Íslands þátttöku í kappræðum sé ekki í samræmi við lög um fjölmiðla og þá sérstaklega 26. grein þeirra,“ skrifar Þór.

„Vil ég því beina því til nefndarinnar að úrskurða í málinu og grípa í taumana ef með þarf. Það er aðför að lýðræðislegri umræðu og algerlega óþolandi að annar af stærstu fjölmiðlum landsins kemst upp með að útiloka stærstan hluta frambjóðendanna frá þátttöku.“

mbl.is