Meirihlutinn heldur samkvæmt könnun Maskínu
Setja bókamerki
Núverandi meirihluti borgarstjórnar Reykjavíkur heldur velli samkvæmt nýrri könnun Maskínu.
Ef gengið yrði til kosninga í dag fengi Samfylking mest fylgi, 22,8% og Sjálfstæðisflokkur næstmest eða 20,5%.
Í sveitarstjórnarkosningunum árið 2018 fékk Samfylking 25,9% atkvæða og Sjálfstæðisflokkurinn 30,8%.
Framsókn fær samkvæmt könnuninni 14,6% atkvæða og Píratar 14,5%. Árið 2018 fékk Framsókn 3,2% atkvæða og Píratar 7,7%.
Flokkur fólksins fengi í dag 6,5% atkvæða og Sósíalistar fá 6,3% atkvæða í könnuninni.
Þá fær Viðreisn 5,4% atkvæða og Vinstri grænir hljóta 4,2% atkvæða.
Samkvæmt könnuninni fengi Samfylkingin sex borgarfulltrúa, Sjálfstæðisflokkurinn fimm, Framsókn og Píratar fjóra hvor og Viðreisn, Sósíalistar, Vinstri Grænir og Flokkur fólksins einn. Miðflokkurinn fær engan mann í borgarstjórn samkvæmt könnun Maskínu.
Uppfært kl. 17.
Upphaflegri fyrirsögn og inngangi fréttarinnar hefur verið breytt, en þá var talað um að meirihlutinn héldi ekki velli. Við nánari skoðun kemur í ljós að meirihlutasamstarfið heldur ef marka má könnun Maskínu.
Of margir nemendur og ákall um hæft starfsfólk
Algeng laun 1,4 til 2,2 milljónir
Segja 20 liðsmenn Hisbollah látna
Fjarskiptatæki um alla borg sprungu samtímis
Rannsóknin skýrist með hverjum degi
Hætta vegna jarðfalls í sprungur metin töluverð