Ekki með upplýsingar um fjölda í húsinu

INNLENT  | 25. júní | 16:55 
Jón Viðar Matthíasson, slökkviliðsstjóri hjá slökkviliði höfuðborgarsvæðisins, segir óljóst hversu margir hafi verið í húsinu á horni Bræðraborgarstígs og Vesturgötu, þar sem mikill eldur kom upp í íbúðahúsnæði og að slökkviliðið hafi enn ekki fengið upplýsingar um hverjir hafi verið heima.

Jón Viðar Matthíasson, slökkviliðsstjóri hjá slökkviliði höfuðborgarsvæðisins, segir óljóst hversu margir hafi verið í húsinu á horni Bræðraborgarstígs og Vesturgötu, þar sem mikill eldur kom upp í íbúðahúsnæði og að slökkviliðið hafi enn ekki fengið upplýsingar um hverjir hafi verið heima. 

Segir hann að slökkviliðið hafi náð nokkrum út úr húsinu með því að nota stiga og að aðrir hafi komist út af sjálfdáðum. Sagði hann sjónarvotta meðal annars hafa upplýst um einhvern sem hafi stokkið út um glugga, en áður hefur komið fram að kona hafi stokkið út um glugga ofan í ruslagám við húsið.

 

 

Samkvæmt blaðamanni mbl.is á vettvangi heldur slökkvistarf áfram af krafti. Fyrir stuttu klifraði slökkviliðsmaður upp stiga að glugga á þriðju hæð hússins til að sprauta þar slökkvifroðu inn. 

Þættir