Er Twitter-bólan sprungin?

Fáir sjá um að framleiða efni á Twitter-tengslanetinu.
Fáir sjá um að framleiða efni á Twitter-tengslanetinu. Reuters

Örbloggþjónustan og tengslanetið Twitter er mjög vinsælt og jókst fjöldi notenda um 1382% á síðasta ári og talið er að um 10 milljónir tölvunotenda séu skráðir inn í þetta net og er aukningin meiri en nokkurt tengslanet hefur áður séð. Nýleg könnun sýnir hins vegar að það eru einungis 10% af notendunum sem framleiða um 90% af efni vefjarinns.

Samkvæmt fréttavef BBC komust vísindamenn í Harvard-háskólanum að því að flestir tweeta bara einu sinni um ævina og ríflega helmingur notenda uppfærir Twitter-bloggið sitt sjaldnar en á 74 daga fresti.

Bill Heil sem er í framhaldsnámi í Harvard Business School  og sá um rannsóknina segir að Twitter líkist meira útgáfu þar sem fáir framleiða efni fyrir marga fremur en margþættu tengslaneti.


mbl.is

Bloggað um fréttina