Biðjast afsökunar á „Error 53“

AFP

Apple hefur beðið viðskiptavini sína afsökunar, þ.e. eigendur iPhone 6 sem hafa orðið fyrir barðinu á villumeldingunni „Error 53“. Villan kom upp eftir uppfærslu á nýjasta stýrikerfi símanna, iOS 9, en eingöngu í þeim símum sem gert hefur verið við af óvottuðum aðila.

Í frétt BBC segir að búið sé að laga vandamálið en fyrirtækið hafði áður sagt að um öryggisráðstafanir væri að ræða. Fyrirtækið býður nú upp á uppfærslu á hugbúnaðinum fyrir viðskiptavinina.

Bjarni Ákason, fram­kvæmda­stjóri Epl­is, sagðist í samtali við mbl.is ekki kann­ast við að ís­lensk­ir iP­ho­ne eig­end­ur hafi fengið þessa villu­meld­ingu. Í frétt breska dag­blaðsins Guar­di­an kem­ur fram að vill­an komi upp þegar gert hef­ur verið við svo­nefnd­an „Home“-takka sam­an á sím­un­um en hann inni­held­ur fingrafarask­anna.

„Aðilar sem sjá um viðgerðir hér á landi eru með stimp­il frá Apple. „Home“ -hnapp­ur­inn fylg­ir skján­um og við send­um því sím­ann út og aðilar frá Apple skipta um skjá,“ sagði Bjarni. Fólk hef­ur einnig lent í vand­ræðum vegna síma sem orðið hafa fyr­ir hnjaski en hægt hef­ur verið að nota áfram. Í kjöl­farið verði meðal ann­ars gögn á sím­un­um, til að mynda mynd­ir og mynd­bands­upp­tök­ur, óaðgengi­leg.

Bjarni tók und­ir orð for­svars­manna Apple að um al­gjöra ör­ygg­is­ráðstöf­un sé að ræða. „Þetta er fyrst og fremst ör­yggis­atriði hjá Apple sem vill koma í veg fyr­ir að þriðji aðili kom­ist yfir per­sónu­leg­ar upp­lýs­ing­ar um viðkom­andi.“   

Frétt mbl.is: Villumelding í öryggisskyni

mbl.is
Sumarhús til sölu...
Fallegt sumarhús í Biskupstungum til sölu. 55 fm á einni hæð, viðhaldslaus klæ...
"Lítil" og gömul ritvél með @ óskast
Áttu svoleiðis vél í dóti sem er í góðu lagi? Sendu mér þá tölvupóst á: hagbokh...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Volkswagen, Vw Transporter 2017 4x4
Dísel 4x4 sjöþrepa sjálfsk, Webasto hitari, klæddur að innan afturí , Verð 4890,...
 
Félagsstarf
Staður og stund
Aflagrandi 40 Opin vinnustofa kl. 9, for...
Útkeyrsla - lagermaður
Lager/útkeyrsla
Útkeyrsla/ Lagermaður óskast E...
Félagsstarf
Staður og stund
Aflagrandi 40 Opin vinnustofa frá kl. 9,...
Framhalds uppboð
Nauðungarsala
Uppboð Einnig birt á www.naudungarsolu...