Facebook biðst afsökunar

Saksóknarar halda því fram að auglýsingaherferðin hafi jafnvel átt sinn ...
Saksóknarar halda því fram að auglýsingaherferðin hafi jafnvel átt sinn þátt í árásinni á bænahús gyðinga í Pittsburgh í síðustu viku. AFP

Facebook hefur beðist afsökunar á að hafa samþykkt auglýsingaherferð sem beint var að notendum með áhuga á samsæriskenningu sem hvítir þjóðernissinnar gera gjarnan hátt undir höfði og snýst um að utanaðkomandi öfl séu að undirbúa þjóðarmorð á hvítu fólki.

BBC greinir frá því að Facebook-herferðin hafi náð til 168.000 notenda, en saksóknarar halda því fram að auglýsingaherferðin hafi jafnvel átt sinn þátt í því að veita manninum sem réðst inn í bænahús gyðinga í Pittsburgh í Bandaríkjunum í síðustu viku innblástur.

Facebook hefur verið harðlega gagnrýnt í gegn um tíðina fyrir lélegt eftirlit með notendum og auglýsendum á samfélagsmiðlinum.

Breski þingmaðurinn Damian Collins er meðal þeirra sem gangrýnir Facebook harðlega vegna málsins og í samtali við BBC segir hann eftirlit Facebook langt undir þeim kröfum sem ætti að gera til svo umfangsmikils fyrirtækis.

mbl.is
VILTU VITA FRAMTÍÐ ÞÍNA ?
Spái í bolla og tarot- þeir sem farnir eru segja mer framtíð þína. erla simi 587...
EAE Bilalyftur
Bílalyftur allar gerðir, eigum á lager 4 tonna 2 pósta og 3 t í gólf og 1 metra ...
flott innskotsborð með innlögðum rósum
er með falleg innskotsborð á 20,000 kr sími 869-2798...
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...