Finnur fær verðlaun fyrir heimspekirannsóknir

Finnur Dellsén heimspekingur hlaut Nils Klim-verðlaunin í Noregi fyrir rannsóknir ...
Finnur Dellsén heimspekingur hlaut Nils Klim-verðlaunin í Noregi fyrir rannsóknir sínar á sviði þekkingarfræði og vísindaheimspeki.

Finnur Dellsén, doktor í heimspeki og dósent í heimspeki við Háskóla Íslands og Inland-háskólann í Noregi, hlaut í dag Nils Klim-verðlaunin í Noregi fyrir rannsóknir sínar á sviði þekkingarfræði og vísindaheimspeki.

Nils Klim-verðlaunin eru afhent samhliða Holberg-verðlaununum, en þau eru veitt fyrir framúrskarandi árangur á sviði hugvísinda, félagsvísinda, lögfræði eða guðfræði. Verðlaunaféð sem Finnur fær er 500 þúsund norskar krónur, eða sem nemur 7,2 milljónum íslenskra króna.

Finnur stundaði nám í heimspeki við Háskóla Íslands og útskrifaðist þaðan með BA-próf árið 2007. Árið 2011 lauk hann meistaraprófi í heimspeki við Chapel Hill-háskólann í Norður-Karólínu í Bandaríkjunum og þremur árum síðar doktorsprófi við sama skóla.

Árið 2008 var hann ráðinn sem aðstoðarmaður Steingríms J. Sigfússonar, þáverandi formanns Vinstri-grænna.  

mbl.is
Húsaviðgerðir
https://www.husco.is...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Vetur í Biskupstungum...
Eigum laust sumarhús í mars/april í nokkra daga. Hlý og kósí hús með heitum pot...