Fjöldinn fari fram úr CCP

Stefán Þór Björnsson, fjármálastjóri tölvuleikjafyrirtækisins Solid Clouds, segir að á næsta ári gætu orðið þau tímamót í íslenskum tölvuleikjaiðnaði að fjöldi þeirra sem vinna í iðnaðinum hér á landi yrði samtals meiri en hjá tölvuleikjafyrirtækinu CCP.

Frétt af mbl.is

Ljúka fyrstu prófun á nýjum leik

435 starfandi í greininni

Stefán segir að núna séu sex veigameiri tuttugu plús manna tölvuleikjafyrirtæki starfandi á Íslandi. Það sé mikil breyting frá því fyrir nokkrum árum þegar CCP var nánast eina tölvuleikjafyrirtæki landsins. Til sé að verða klasi fyrirtækja.

Frétt af mbl.is

Virði bréfa Solid Clouds hækkar í Kauphöllinni

Samkvæmt áætlun Icelandic Game Industry, IGI, sem Stefán Þór vísar til, voru samtals 435 starfandi í greininni í lok árs 2021.

Í samtali við ViðskiptaMoggann ítrekar Stefán mikilvægi þess að iðnaðurinn geti vaxið. Óskastaðan væri að fá 8-10 tæknifyrirtæki inn í kauphöllina. Það komi bæði fyrirtækjunum og fjárfestum betur. Markaðurinn verði sterkari, meira lifandi og fjölbreyttari.