Allir elska kjúklinganagga og þá sérstaklega yngri kynslóðin. Kjúklinganaggar keyptir úr matvöruverslunum geta hins vegar verið misjafnir að gæðum. Það er hægur vandi að útbúa þá sjálfur þegar tími er fyrir hendi eins er sérstaklega sniðugt að búa til tvöfaldan skammt og frysta.

Kjúklinganaggar sem þessir eru bæði meinhollir og bragðgóðir. Þeir eru án hveitis og því upplagðir fyrir þá sem fylgja steinaldarmataræðinu svokallaða. Eftirfarandi uppskrift er fyrir fjóra.

Innihald:

500 gr. kjúklingalundir

2 egg

1 bolli þurrkaðar kókosflögur.

1/2 bolli kókoshveiti

1/2 tsk. salt

1/8 tsk. pipar

1/4 tsk. hvítlaukssalt

1/4 tsk. laukduft

Hitið ofninn á 180 gráður og setjið bökunarpappír á ofnplötu. Blandið saman öllum þurrefnum í grunna skál. Hrærið saman eggin í aðra skál og setjið kókósflögurnar í enn aðra skál. Dýfið kjúklingalundunum fyrst í skálina með þurrefnunum, hristið allt umfram hveiti af lundunum og dýfið þeim svo í eggjablönduna. Loks skal þrýsta kjúklingalundunum í kókosflögurnar. Þá skal setja lundirnar á ofnplötuna og inn í ofn í tíu mínútur, snúa þeim við og baka áfram í aðrar tíu mínútur. Undir það síðasta skal stilla ofninn á steikingu og brúna lundirnar í 3 til 5 mínútur. 

Tengdar fréttir

Hvað er í matinn í kvöld?

Fyrirhafnarlitla helgarpítsan sem má ekki gleymast

• Sikileyskt pasta fyrir sælkera
• Prýðisgott pipar- og paprikuosta lasagne
• Humarpastað sem Eva elskar
• Hamborgarhryggurinn sem hittir í mark

» Fleiri tengdar fréttir

Uppskriftir

10 bestu hamborgararnir í tilefni sumardagsins fyrsta

• Sigurkokteilarnir geta orðið sumarsmellirnir í ár
• Af hverju að búa til granóla?
• Bragðmikill og ljúffengur fiskréttur með pestó og bræddum osti
• Ferskt og brakandi sumar-tacos með sumarsalsa

» Fleiri tengdar fréttir

• Blogga um frétt