Óskar Finnsson tók hina klassísku íslensku kjötsúpu og setti sinn sérstaka brag á hana með ýmsum kryddum í síðasta þætti af Korter í kvöldmat.

Eins og flestir vita verður kjötsúpa enn betri daginn eftir svo það borgar sig að elda ríflegan skammt. Súpuafganginn má nota á ýmsa vegu, til dæmis í mexíkóska vefju eða gera súpuna enn matarmeiri með pastaslaufum.

Mexíkóskar vefjur

Hitið afganginn af súpunni í potti. Hitið tortillur í örbylgju eða ofni. Smyrjið vel með rjómaosti. Sigtið vökvann frá súpunni og setjið kjötið og grænmetið í vefjurnar. Gott er að setja með rifinn ost og jafnvel salsa-sósu.

Súpan verður enn matarmeiri með því að bæta í hana pasta.

Pastasúpuveisla

Sjóðið pasta samkvæmt leiðbeiningum á pakka. Hitið afganginn af súpunni í stórum potti og bætið svo pastanu út í. Berið fram með nýbökuðu brauði.

Pastasúpuveisla

• afgangar af kjötsúpu
• 400 g pastaslaufur
• nýtt brauð

Mexíkóskar vefjur

• afgangar af súpunni
• 4-8 mexíkóskar tortillur
• 4-8 msk rjómaostur

Tengdar fréttir

Korter í kvöldmat

Ómótstæðilegar quesadillas á augnabliki

• Svo miklu meira en jólamatur
• Grísk lambapíta með engri fyrirhöfn
• Eins grískt og það getur orðið
• Bráðholl og bragðmikil súpa

» Fleiri tengdar fréttir

• Blogga um frétt