Kjúklingabúrrító Hönnu Þóru

• 3 – 4 kjúklingabringur
• Garlic pepper
• Olía til steikinga
• 1 gulur laukur – saxaður
• 1 – 2 hvítlauksrif – söxuð
• 1 chilipipar – fræhreinsaður og saxaður
• ½ paprika
• 5 – 6 sveppir
• Brokkolí
• Ferskt kóríander – má sleppa

Sósa

• U.þ.b. 100 g rjómaostur – philadelphia
• 1 krukka taco-sósa

Samsetning

• 1 dós sýrður rjómi
• Mexíkóskar pönnukökur (tortillur)
• Mozarellaostur – rifinn

Aðferð

1. Kjúklingabringur skornar í bita kryddaðar með Garlic pepper – steiktar á pönnu. Lagt til hliðar.
2. Laukur, hvítlaukur, chilipipar, brokkolí, paprika, kóríander og sveppir steikt saman á pönnu.
3. Sósa: Rjómaostur og taco-sósa hitað í potti – hrært saman.
4. Kjúklingabitum bætt við steikta grænmetið og sósunni hellt yfir – blandað saman
5. Ofninn hitaður í 180°C.
6. Hæfilegt magn sett í hverja og eina mexíkóska pönnuköku og þeim rúllað upp – raðað í eldfast mót.
7. Sýrðum rjóma smurt yfir pönnukökurnar og mozarella-osti dreift yfir.
8. Sett inn í ofn í 15 – 20 mínútur.

Meðlæti

Hrísgrjón, salat, heimagert guacamole, heimagert salsa og/eða Nachos.