Matur | mbl | 23.12.2017 | 5:01 | Uppfært 1.2.2019 10:03

Ertu að klúðra béarnaise-sósunni?

Góð bernaise sósa getur miklu bjargað.

Það er að bresta á með jólum og því ekki úr vegi að fara yfir helstu reglurnar varðandi béarnaise-sósuna góðu. Hér er lykilatriði að fara ekki á taugum. Sósan er vissulega mikilvæg en jólahaldið stendur ekki eða fellur með frammistöðu þinni í sósugerð.

Gott er að horfa á þetta stórskemmtilega kennslumyndband áður en lengra er haldið:

Frétt af mbl.is

Eldhúsdólgarnir: Bernaise-sósa í blandara

Hér er að finna nokkur skotheld ráð:

Frétt af mbl.is

Bestu bernaise-trixin

Hér má jafnframt finna stórgóða útgáfu:

Frétt af mbl.is

Bernaisesósa Elvu Óskar

Og loks er hér skotheld uppskrift:

Béarnaise-sósa

5 stk. eggjarauður
500 g smjör
1 stk. nautateningur eða annar kjötkraftur frá Knorr
2 msk. béarnaise-essence
1 msk. þurrkað estragon eða 2 msk. ferskt
salt og pipar
safi úr hálfri sítrónu

Aðferð:

Bræðið smjörið með kjötkraftinum.
Takið af hitanum og leyfið aðeins að rjúka.
Setjið eggjarauðurnar í hitaþolna skál, stál eða gler.
Setjið vatn í pott, hleypið upp suðunni og lækkið svo alveg undir.
Leggið skálina ofan á pottinn, gætið þess að botninn snerti ekki vatnið og þeytið eggjarauðurnar þar til ljósar og léttar.
Takið pottinn með skálinni af hitanum. Hellið smjörinu mjög rólega saman við eggin í mjórri bunu og þeytið stanslaust á meðan, þetta tekur 5-7 mínútur.
Kryddið svo með estragoni og béarnaise-essence.
Smakkið til með sítrónu, salti og pipar.
Sósan geymist vel undir plastfilmu við stofuhita í 2-3 klst., borin fram stofuheit eða hituð rólega upp yfir vatnsbaði.