Eldhúseyjur eru snjallt fyrirbæri og ákaflega vinsælar. Oftast er um að ræða einingu sem er í sama stíl og eldhúsinnréttingin sjálf og passar vel inn. Stundum er eyjan sjálfstæð eining og ber nafn með rentu en stundum rugla menn saman eyjum og töngum en það gefur augaleið að tangi er veggfast fyrirbæri.
En nóg um landfræðileg hugtök í eldhúsinu og snúum okkur að viðfangsefni þessarar fréttar.
Hægt er að vera með eyjur sem eru heldur óvenjulegar. Hægt er að breyta gömlu borði í eyju, gamalli kommóðu, hillum og nánast hverju sem er. Sumir kjósa að hafa eyjur á hjólum, aðrir safmfellanlegar og þar fram eftir götunum. Lykilatriðið er þó að eyjan bætir miklu við eldhúsið - bæði karakter, vinnuplássi og ekki síst geymsluplássi.
Hér getur að líta nokkrar óvenjulegar eyjur sem eru engu að síður virkilega vel heppnaðar.
Til allra þeirra sem eru í eldhúsbreytinga/endurnýjunar-hugleiðingum ráðleggjum við ykkur að fara inn á Pinterest og láta hugann reika. Ef einhvers staðar er hægt að fá góðar hugmyndir og innblástur þá er það einmitt þar.