Kjúklingur fylltur með sólþurrkuðum tómötum, spínati og osti

• Tvær stórar kjúklingabringur
• ¾ bolli krydduð ólífuolía (grillolía eða hrein olía með salti og pipar)
• ½ bolli sólþurrkaðir tómatar
• ½ bolli grófsaxað spínat
• ½ bolli fetaostur
• ½ bolli mozzarella

AÐFERÐ: 

Látið bringurnar liggja í olíunni nokkrar klst ef tími vinnst til, kljúfið þær síðan með beittum hníf, ekki alla leið í gegn (líkt og pylsubrauð). Opnið sárið og fyllið með öðrum innihaldsefnum, það sem ekki kemst fyrir er bara haft utan við. Notið tannstöngla til að halda bringunum saman.

Steikið bringurnar á báðum hliðum á pönnu, lækkið hitann og látið malla áfram þar til þær eru gegneldaðar. Má líka stinga þeim í ofn og láta bakast. Miðjan þarf að ná a.m.k. 75°C hita ef notaður er kjöthitamælir.

Heimild: Yammie´s Noshery