Beikonvafinn kjúklingur með guacamole

• 4 góðar kjúklingabringur
• salt og pipar
• ½ bolli guacamole
• 8 beikonsneiðar

AÐFERÐ.

1. Saltið og piprið bringurnar, skiptið guacamole í fjóra hluta og dreifið yfir þær. Vefjið síðan tveimur sneiðum af beikoni utan um hverja bringu.
2. Grillið við meðalhita þar til beikonið er orðið stökkt og kjötið gegneldað, um það bil 20-30 mínútur ætti að vera hæfilegt. Einnig er hægt að baka bringurnar í ofni, tekur álíka langan tíma, þá er ofninn stilltur á grill í nokkrar mínútur í lokin.
3. Kjúklinginn má einnig krydda á annan hátt og nota t.d. sólþurrkaða tómata eða gráðaost í staðinn fyrir guacamole.

Uppskrift: Closet Cooking